معلش ما لحقتش النهارده اعملكم طبخه جامده
فقلت الحق اكلكم حلويات بقى
الحقيقه الجلاش ده انا باحبه اوي اوي وكان نفسي اعمله النهارده
والطبق الى فوق ده شكله جوعني
بس ما حدش عبرني ولا جابلي جلاش
يلا بسرعه نشتغل عشان مش فاضيالكم الاكل على النار
اولا هانحتاج قولوا نص كيلوا جلاش
كوباتين كاستر او كريم باتسيير
كوباية سمن او زبده
وكوباية شربات لونها وسط مش تقيله اوي ومش خفيفه وبارده
هانجيب الجلاش يا حلوين هو بيبقى مربع هانقطعه شرايط بالطول قول على ثلاثه او اربعه حسب حجم الورقه بتاعتك
وبعدين هناخد شويه الى هانشتغل بيهم والباقي نغطيه كويس بفوطه نضيفه او جوه كيس بلاستيك عشان ما ينشفش احنا فى الحر
وهناخد 3 طبقات من الشرياط دي وهانفردها على صنيه زي الصوره دي كده ونحط معلقة من الكاستر او الكرييم باتسيير كده فى اول الشريطه فوق كده
وبعدين نطويها للجنب
زي كده
ونفضل بقى ونكون بفرشاه دهنا باقي الشريط ده سمنه
ونقعد بقى نطويها على بعضها زي طريقة السمبوسك كده لحد ما يبقى شكله مثلث
زي كده
بعد كده هانشيلها نحطه فى صنيه مدهونه سمنه برضه
ولما نخلص الكميه نحط برضه على وشها سمنه من فوق
يعنى معلقه على كل مثلث تقريبا
وبس وندخله الفرن وبيطلع شكله كده
هانسقيه وهو سخن بالشربات البارد ونسيبه حوالي عشر دقايق بس يبرد شويه ويشرب الشربات
وبعد كده نقدمه فى طبق زي الي فوق ده وبالهنا والشفا
وكل سنه وانتم طيبين يا حلوين
هناك 10 تعليقات:
هوا في صور كمان ؟ احنا متفقناش علي كده :)
تصدقي من زمان كنت هموت و اعرف بيعملوا المثلثات دي ازاي ، انا امي و اخواتي بيعملوها طبقات فوق بعض و بينهم كاستر و خلاص...
بس كويس انك فهمتيني ايه كريم البشكير ده ، احسن اسمه مريب :)
كل سنه و انتي و اسرتك بخير و سعاده
شكرا علي الصور الجميله لصنف جلاشي جميل
لان الصور هي اللي باقيالي
ربنا لايمتعك بالصحه و العافيه\
تحياتي
تسلم ايدك يا صبصب
امى بتعمله بالمكسرات و فقط
اقوله عاوزينه بالكسترد
تقولى اعمليه انتى
اكسل انا
فميتعملشى
انما دا طلع سهل خالص
اجربه و اقولك ان شاء الله
رمضان كريم يا حبيبتى
و دايما كدا مدلعانا
المستفز
اها فى صور طبعا امال ايه احنا لنا بركه الا انتم يعنى
وضحكت ضحك على الكريم البشكير ده يا سيدى نوع كريم زي الكاستر كده
لو عملت كليك على الاسم هايطلعلك الطريقه وبالصور برضه
هههههههههه
وبعدين هات حد من اخواتك يشوف الطريقه ويعملولك
احوال الهوى
كل سنه وانت طيب وبخير وسلام
بس والنبى انت غلط غلطه مطبعيه مريعه
هههههههههه
حطيت لا قبل الدعاء والنبى ارجع فى كلامك
هههههههههه
ويا باشا هابعتلك صنيتين جلاش من عنيه ولا يهمك قول انت بس
فاتيما يا كسلانه
ههههههههههههههه
لا يلا بقى اعمليه ده سهل اوي والله وبعدين اليوم بقى طويييييييييل اهو تسالي بقى
كل سنه وانتى طيبه يا قمر
احييييييييييييييه جنان يابت يا ندى
هافضى كده وافطر فى البيت ان شاء الله وهاضربلهم منه
كل سنه وانت بالف خير انت وعيالك وجوزك
قلب القطه
يا حبيبتى وحشااااااني مووووت
يلا بسرعه اعمليه كده وقوليلى الاخبار
وكل سنه وانتى طيبه يا قمر
ايوه كده الواحد يعيد على دردر بنفس
تعرفى و الله احاول اجربه بكرة او بعده
كل سنة و انت ماكلنا يا دردر:-))
وندتى ازييييييييييييك
وحشاااااني
وجربي يلا وقوليلي
إرسال تعليق