الاثنين، 7 سبتمبر، 2009

قطايف بالمكسرات


حلو مهرجان القطايف الى احنا عاملينه ده يا جماعه



نكهه حبيبتى طلبت مني القطايف بالمكسرات او الشكل التقليدى للقطايف



فمعلش بقى ناجل القطايف بالشيكولاته ونعمل المكسرات النهارده



طبعا هانحتاج مقدار عجينة قطايف وممكن نعمل نصه بس عادي حسب الكميه بقى

بالنسبه للحريم الشلت يقدروا يشتروها جاهزه العجينه
وبالنسبه للحريم الى شلت اكتر من كده لا ما يشتروش من بره معموله جاهزه يقوموا بقى يعملوا معانا بدل ما اضربهم

وهانحتاج مكسرات مفرومه او مجروشه او سليمه زي ما هى زي ما تحبوا



انا باحب افرمها واخلطها مع جوز هند وفانيليا وسكر ناعم وزبيب



اي نوع مكسرات تحبيه وممكن تنوعي يعنى كل واحده نوع اي حاجه



المهم هانمسك القطايف على ايدنا كده ونحط فيها معلقه من الخلطه او وات ايفر



زي الصوره دي كده



وبعدين نطويها ونضغط على الحروف كويس لحد ما تلزق فى بعضها زي الصوره دي كده



وطبعا لما تكون القطايف طازه وطريه هاتلزق على طول



بعد كده نسقطها فى زيت سخن وعميق زي الصوره دي كده لحد لما تتحمر



وبعد كده باطلعها على ورق كلينكس دقيقتين بس تصفي زيتها وبعدين اسقطها فى الشربات او الشيره او القطر ونسيبها دقيقه واحده بس عان ما تشربش سكر اوي




ونرضها بقى ونقدمها بالهنا والشفا



نكهه يلا بقى رمضان قرب يخلص اعملي وورينى





هناك 6 تعليقات:

عاشقه الرومانسيه يقول...

ربنا يكون فى عون عيالك
هو مفيش اختراع اسمه كنافه؟
كفااااااااايا قطااايف
حرااااام عليكى
انا مش باكلها
عاااااااااااااا

reem يقول...

تسلم ايديكى يا صبرنى


بس انا مش الستات الشلت اللى بيشترو العجينة جاهزة بس بكملها في البيت

وانا في انتظار القطايف بالشيكولاته على احر من الجمر لان بناتى بيحبوها

مش تتأخرى علينا ياقمر بيها

صبرني يارب يقول...

عاشقه الرومانسيه

انا عملت يا بنتى كنافه قبل القطايف

ركزي بقى

فى صنفين كنافه عندك على الجنب هاتلاقي صورهم على الشمال كلك هاتروح هناك

صبرني يارب يقول...

ريم

تسلمى وتعيشي يارب

حاضر عونيه يا جميل

ايه النور ده

نكهة مغربية يقول...

ااااله يا عسل تحفة معلش اتأخرت عليكي
سمحيني يا عسل و الله كنت مشغولة ممموووتتت
تسلمي لي يا قمر يا بخت الاولاد بيك ان شاء الله حجربها ضروري يعني
ممموووححح

صبرني يارب يقول...

تسلمى يا نكهه

يلا ورينى الشغل بقى