الأربعاء، 31 ديسمبر، 2014

الحواوشي













انا عاملاه بعيش جاهز بس العيش جه رقيق شويه المره دي
اللحمه .. نص كيلو لحمه عليه بصلتين كبار ..نص حباية فلفل من الاحمر والاصفر والاخضر.. وينفع اخضر بس فصين توم كل ده مفروم ولو سردوا مايه كتير صفيها قبل ما تضفيهم على اللحمه .. معلقة جنزبيل بودر شطه وملح وفلفل واي توابل لحمه تحبيها
بتحطي كله على بعضه وتخلطيهم كويس وتاخدي كوره في حجم البيضه وتحطيها في الرغيف وتفرديها بالمعلقه
بلي ايدك مايه كده وعدي بيها على الرغيف من بره او ادهنيه مايه بالفرشه .اعملي الكميه كلها بالمايه وبعدين ارجعي عيدي عليها بس بفرشه بزيت ..وتلفي كل رغيف في ورقه فويل . وعلى الفرن انا بارصه على الشبكه بتاعة الفرن مباشرة وهي في النص مش تحت .. تقريبا بيستوي في نص ساعه وعلى حسببقى بتحبيه ايه ممكن تسيبيه كمان شويه لحدما يتحمل شويه ويبقى مقرمش وبالهنا


رول الديك الرومي






ده صدر ديك رومي كامل متنضف والجلد بتاعه عليه فردته ودقيته وخط العرق الفلتو الي جواه وتبلته ملح وفلفل ولمون وخل وزعتر وحبة البركه او اي نكهه توابل تحبيها وزيت زيتون وسبته نص ساعه







معلش الصوره مش واضحه عشان بخار الرز كان سخن 

ده رز بالخلطه بقطع الرومي الي خدتها "العرق الفلتو " والكبده والقنصه مقطعين وشوحتهم مع بصله مفرومه وملح وفلفل وتوابل لحد ما دبلوا وسقط عليهم كوباية رز منقوعين ساعه وعليهم نص كوباية مايه وسبتهم على النار يادوب المايه نشفت بيبقى لسه الرز ما استواش كويس وده المطلوب ..هنحط الرومي على ورقة فويل تخينه او كيس حراري ونحط الرز فوقيه في الطرف بالطول ونبرمه بقى بالفويل لما يبقى زي عمود اللانشون كده في الصوره الجايه






نقفل عليه كويس اوي وممكن نخده لفة فويل كمان ونقفلها وفي صنيه ونحطه في الفرن... ممكن ياخد حوالي ساعه ونص عشان يستوي كويس




ده شكله بعد ما طلع من الفرن لو لقيتي الصينيه نازل فيها صوص وهاتتحرق منك ابقي حطي نص كوباية مايه
لو حبيتي تحطيه مكشوف شويه يتحمر من بره ماشي لكن انا لقيت الجلد بتاعه اتقطع ما رضيتش احمره عشان ما ينشفش من غير جلد




ده شكله في التقديم والي حواليه ده كرسب كده بيتقلي في زيت بينفش يبقى كده





وده شكله بعد ما اتقطع ترنشات بالهنا والشفا





الاثنين، 20 يناير، 2014

معجنات بالسوسيس





العجينه
4 كوب دقيق + نصف كوب زيت او سمن + معلقة صغيره خميره فوريه +معلقتين كبار سكر بودره + كوب حليب +رشة ملح
..
بندوب الخميره في ربع كوب ماء دافيء ونص معلقه صغيره سكر .. ونسيبها لحد ما تعمل رغاوي على الوش عشان نتاكد انها سلميه ....بنفرك الدقيق بالزيت او السمن لحد ما يختفي فيه .. نضيف الخميره والحليب تدريجي لحد ما العجينه تتعجن معانا كويس .. ونسيب العجينه ترتاح نص ساعه
..
وبعدين نقسم العجينه بحيث تبقى كوره قد البيضه كده
وبعدين ناخدها نبرمها زي السميط كده .. ونحطها قدامها ونبططها شويها ممكن نفردها بنشابه



ونلفها حوالين السوسيس بالورب وبتطلع بالشكل ده
وبندهن الوش بخليط من البيض واللبن والسكر مخفوقين مع بعض 
وممكن نرش على الوش حبة البركه او زعتر زي ما تحبوا
درجة حرارة الفرن تكون حوالي 200
هتقعد فيه ربع ساعه تقريبا
وبالهنا والشفا والي يجرب يقوووووول