الأربعاء، 9 سبتمبر 2009

قطايف بالشيكولاته



اخر حاجه بقى فى مهرجان القطايف يا جماعه
لعشاق الشيكولاته الى زي حلاتي كده هانعملها قطايف بالشيكولاته
انا عندي ابن اختي طالعلي كده بيموت فى الشيكولاته وانا كنت عازماهم وقالي انا عايز حاجه بالشيكولاته قعدت افكر اعمل ايه يكون رمضاني وبالشيكولاته واخترعت هذا الموضوع وطلع ناجح جدا جدا الحمد لله
طبعا هانحتاج مقدار عجينة قطايف
وهانعمل مقدار من كريمة الباتسيرر بالشيكولاته او كاستر عادي بالشيكولاته يمشي برضه
هاتلاقوا الكريمه بتاعتي لونها غامق اوي ده لانى باستعمل كاكاو خام مش كاكاو عادي
باجيبه من عند بتوع لوازم الحلوانيه
ينفع نعلها على شكل قرطاس برضه زي القطايف بالكريمه
انما انا لقيت انسب شكل له الى هو القطايف المربعه الى بيكون شكلها كده لقيت شكلها اوضع فى الصوره دي عن صورة الشيكولاته
طبعا هانقفلها وبعدين نقليها وبعدين نطلعها نصفي زيتها ونسقطها فى الشربات بس مش هانسيبه كتير يادوب كده تنزل وتطلع
لان احنا هانحط عليها شيكولاته فمش عايزنهاتبقى مسكره اوي
بعد كده هانحط الكريم باتسيير او الكاستر فى قرطاس الكريمه ونعمل داخل كل واحده ورده زي الى فى الصوره ده


وبعد كده يكون عندنا صوص شيكولاته جاهز نحد على وش كل واحده معلقه صوص شيكولاته زي الكام واحده الي فى النص دول كده
ممكن نستغنى عن صوص الشيكولاته برضه عادي وممكن نرش مكسرات مثلا
انما الحقيقه صوص الشيكولاته بيبقى جامد جدا
وبعدين نسيبها بقى فى التلاجه وناكل بقى بالف هنا
خلاااااااااص كده حلويات رمضان قفلنا علينا مع انى كنت مجهزه شوية جلاش ما لهمش حل
بس خلاص ما عادش وقت بقى عايزين نتكلم عن الكحك ان شاء الله اول لما اعمل هاجيب لكم الصور ونشتغل سوا
يلا نشوفكم على خير
كل سنه وانتم طيبين

هناك 16 تعليقًا:

reem يقول...

اخيرا القطايف بالشيكولاته

واللى انا منتظراها من اول ما عرفت بيها منك

بجد تسلم ايديكى ياتوتة

شكلها حلو اوى واكيد طعمها احلى

هاجرب واقولك على الاخبار يا جميل

reem يقول...

ايه دا هو انا اول تعليق ؟

وكمان على ايه ؟

على القطايف اللى الكل منتظرها

حلو والله

نكهة مغربية يقول...

أنا بقصد الشكل التقليدي للقطايف

نكهة مغربية يقول...

قولي لي يا سكر ينفع أحشي القطايف بالكاسترد و بعدين أقليها ؟؟؟؟؟
جوبيني يا عسل أنا نفسي فيها

نكهة مغربية يقول...

اه نسيت اكتبي لي من فضلك مقادير القطايف اللي انت بتعمليها

ঔღঔ نـــوارة ঔღঔ يقول...

ممممممممممممم

فتحتي نفسي عالشوكلاتة بجد خطيررررة

انا مش بعرف حشوات للقطايف غير المكسرات او القشطة او التمر بيكون جنان

لكن ماشاء الله عليكي طرق خطيررررة يارب اقدر اطبقها

تسلم ايدك ياعسل

:)

شكولاتة يقول...

ااااااااااااااااااااانا جيت ههههههههه

احم احم

























انا طبقت المقادير والعجينه وحشيت القطايف قشطه التاج
لان الوقت قرب يأذن وانا لسه ماخلصت لاني بشتغل لوحدي
وكان الطعم
































امممممممممممممممممممممممممم





















يجنننننننن اخواتي عجبتهم اووووي وقولتهم حأعملها مره تاني بس تساعدوني


بجد انا عمري ماعملت القطايف ابداااا

وعملتها اول مره بطريقتك واهي مش حأتكون اخر مره كمان :)
مرسي

صبرني يارب يقول...

ريم

اوك يا جميل هاستنى النتيجه

صبرني يارب يقول...

نكهه

بصي انا جربتها قبل كده قرفتني اوي اوي

اولا تقفيلها بيكون صعب اوي وكمان بتفتح فى الزيت وبتبقى مشكله

وكمان بتضطري تحطي حشو قليل عشان تعرفي تقفليها ولازم تكون حجمها كبير شويه

بصراحه لقيتها رخمه خالص

اعملي القراطيس او المربعات دي هاتلاقيها احلى واسهل



مقادير القطايف ازاي يا نكهه تقصدي العجينه ؟؟

ما انا كاتبه مقادير كل حاجه

حددي يا جميل

صبرني يارب يقول...

شيكولاته

اوعى السريع

بعدين افرضى غلطنا بقى وكلناكي مع القطايف

نورتي يا جميل

صبرني يارب يقول...

نواره

اها انا جربتها بالتمر برضه بتبقى حلوه اوي

يلا جربي يا جميل وقوليلى تسلمى يا قمر

مي يقول...

الله عليكى يا شيكولاتتنا انتى بجد جميلة ما شاء الله عليكى وشكلها جديد
وفكرة جديدة وفى رمضان
لا بقى لازم تاخدى بوسة بقى بالعافية وانا متلحوسة بالشيكولاتة بقى
تسلم ايديك يا حبيبتى

نكهة مغربية يقول...

أسفة يا عسل أصلي غلط في الكتابة أنا قصدي القطر اللي انتي بتعمليه و كمان مقادير الكاسترد علاشان الحشوة
شكرا جدااا يا عسل
حجربها في اليومين دول

صبرني يارب يقول...

مي

ميرسيه على البوسه والنبى مسكره وطعمه
ههههههههههه

نورتي

صبرني يارب يقول...

نكهه

بصي يا جميل بالنسبه للقطر

هاقولك القطر العادي

2 كوب سكر +كوب ماء ونحطه على النار لحد لما يتقل شويه بس مش اوي عشان القطايف تتشربه وما تبقاش ناشفه


انا احيانا باعمل القطر خفيف شويه وازوده عسل جلوكوز وده موجود عن بتوع لوازم الحلوانيه بيخلي الشربات تقيل وفى نفس الوقت مش مسكر ومش بيخلي الحلويات تبقى طريه وبايشه


لكن عادي ممكن القطر العادي



بالنسبه للكاستر

ممكن تعملي كريم باتسيير يا نكهه بيبقى جميل اوي ودي وصفته موجوده عندك انا حاطله لها وصله على الموضوع

وممكن تعملي كاستر او مهلبيه

بالنسبه للكاستر هاتحطي 3 كوبايت حليب على النار ولما تدفى تخدي منهم كوبايه وتدوبي فيها 3 معالق مسحوق كاسترد ولما الحليب على النار يغلي نحطله 3 معالق كبيره سكره وندوبها وبعدين نتحط الحليب الى الدافي الى احنا دوبنا فيه الكاسترد

او تنفذي التعليمات الى موجوده على عبوة الكاسترد


ولو مافيش كاسترد ممكن تستخدمي النشا وتعمليها مهلبيه برضه هاتمشي


انا بقى باحب الكريم باتسيير بس لو هاتعمليه فى القطايف ابقى حطي مع الدقيق معلقة نشا

ولو فى اي استفسار قوليلى

يلا بقى عشان نعمل الكحك

نكهة مغربية يقول...

شكرا يا عسل ان شاء الله التطبيق في القريب العاجل