الثلاثاء، 21 يونيو 2016

كوردون بلو

 

بتجيبي الصدور وتدقيها بين شريحتين بلاستيك وتساويها كده وتظبطيها وتتبليها

بملح وفلفل ومسطرده مثلا تتبليل خفيف يعني
وبعدين تفرديها وتحطي في قلبها شريحة رومي مدخن .. الوصفه الاساسيه رومي

مدخن بس انا في الصور حطيت لانشون لأن عندي ناس مش بتحب نكهة المدخن

وبنحط فوقيها جبنه شيدر صباع على بعضه او مبشور وممكن نستخدم موتزريلا



ممكن ناخد رشة زعتر او ريحان او روزماري فوق الجبنه .. وممكن نضيف الخضار اصابع الجزر او الفلفل الالوان مثلا  ونبدأ نلفها كويس نبرمها كويس من قاعدة المثلث كده ونتك كويس عشان نقفلها صح .. لو خايفين نعملها واول مره ممكن نقفلها بخله 





هنجهز الخلطه الجافه 
من افضل الخلطات الجافه الي استخدمها دقيق ونشا وبقسماط خشن بكميات متساويه .. وشطه وتوابل ايطالي او ملح وفلفل وزعتر وريحان وبنقلبها وتكون جاهزه 

هناخد الصدور الي لفيناها ونحطها في بيض مخلوط مع شوية حليب صغيرين وفيه ملح وفلفل ونطلع من البيض على الخلطه الجافه ونخطيها كويس من كل ناحيه مع الضغط بالراحه عشان يثبت عليها 

وبيبقى شكله كده 
 هنروح نسخن زيت في طاسه عميقه قوي بحيث الزيت يغطي القطع زي الصوره كده  وتكون النار حاميه اول 3 دقايق بعد كده نخليها متوسطه كمان خمس ست دقايق لحد ما تاخد اللون المطلوب وتستوي .. او نبخها زيت بالبخاخ ونحطها في القلايه الي من غير زيت 

وده شكلها بعد القليه ولازم نسيبها تبرد قبل ما نتعامل معاها بالتقطيع 
وبعد كده بنقدمها زي الصوره الي فوق كده وانا هنا مقدمه معاها شعريه مفلفله بالخضار 
وبالهنا 

هناك تعليق واحد:

ركن الهدى يقول...

هل تعانون من الحشرات وكثرتها واضرارها البالغة نقدم لكم افضل شركة 0556754301 لابادة جميع انواع الحشرات بالضمان وهي شركة المثالية لمكافحة الحشرات حيث تقدم اليوم افضل العروض والخدمات بارخص الاسعار بخصم 50% لفترة محدودة

شركة تنظيف خزانات بصفوى
شركة كشف تسربات المياه بصفوى
شركة عزل اسطح وخزانات بصفوى
شركة مكافحة النمل الابيض بصفوى
شركة مكافحة حشرات بصفوى
شركة تسليك مجارى بصفوى
شركة تنظيف موكيت ومجالس بصفوى
شركة تنظيف شقق وفلل بصفوى