الخميس، 23 أبريل 2009

لقمة القاضي




السلااااااام عليكم يا حلوين




النهارده حلووووو يا حلو انت يا حلو






طبعا لقمة القاضي بتهيئلي مافيش حد ما بيحبهاش


لها اسامي كتير


ساعات الاقي ناس بتقول عليها زلابيا


وناس بتقول بقلاوه


مش هانختلف يعنى المهم ناكل


ههههههههههههههههههههههه




ومن الجدير بالذكر


حلوه الجدير بالذكر دي


المهم لقمة القاضي دي دايما لما اعملها افتكر شخصيه عدت عليا فى الذاكره السحيقه


كان واحد بيمشي جنب بيتنا زمان ينده ويقول


لقمه يا سيدى لقمه


بنغمه كده عجيبه وفريده


طبعا انا ما كنتش فاهمه اساسا هو بيقول ايه الاول




المهم الراجل ده كان نضيف نضافه يا جودعان


اه والله مش عشان كان ماشي فى الشارع كان حد مش نضيف يعنى


لا كان بيلبس يوني فورم ابيض ايوه والله العظيم


ومكوي ومزهر وبيشيل لقمة القاضي فى صنيه كده كبيره على راسه والصنيه المونيا وبتلمع اخر حاجه ومتغطيه بقماشه بيضه نضيفه كذلك


ومعاه مسند خشب كده شايله على كتفه وكل ما حد يجيش يتشري منه يقف وينزل المسند الخشب الكبير ده ويحط عليه الصنيه وبعدين يدي الى طلب ويرجع يشيل تاني




سنين سنين وهو على هذا الحال اوعى عليه الاقيه راجل عجوز وفى نهاية عهدي به فى شارعنا القديم كان بيمشي ومعاه بنت صغيره لانه ما كانش بيشوف كويس


دؤؤؤؤؤب نشيط نضيف متقن لعمله عنده اصرار على العمل والانتاج رغم تقدمه فى السن




ايه الرغي ده




قدامي على المطبخ






المقادير بسرعه بقى بلاش رغي




كوباية دقيق ابيض


كوباية نشا


( النشا الى بيخليها تطلع ناشفه زي الجاهزه اكتشفت كده مؤخرا )


كوبايه ونص مايه


ملعقه كبيره خميره عاديه او فوريه (بس انا باحب العاديه )




بث كده


اه والله




الطريقه




بنخلط الدقيق على النشا الاول


وبعدين نكون جهزنا الخميره دوبناها فى شوية مايه دافيه وربع معلقة سكر




وبعدين بقى بالمعلقه او المضرب ونحط المايه على الدقيق والنشا وطبعا قبل المايه نحط الخميره


ونزود المايه شويه شويه عشان جايز ما نحتجهاش كلها(لكن هى عموما بتبقى عجينه سايبه )




وبعد نغطي عليها وسيبها ساعه تقريبا وهاتبقى شكلها كده




وده بيكون سمكها كمان والخميره بتخليها تشد شويه وتبقى فيها فقاقيع زي دي كده





اهم حاجه بقى بعد كده تكوني سريعه شويه قدام النار طبعا فى الاول مش هاتبقى سريعه ولا حاجه ده انتى هاتبقى هبله


فانصح اي واحده هبله قصدي اول مره تقف فى المطبخ انها تعمل نص الكميه بس فى الاول


وكمان تستخدم طاسه صغيره على ادها كده نونو




هانبدا نقلي بقى


نجيب طاسه زي الى فى الصوره دي عميقه شويه ونحط فيها زيت كتير ونحطها على النار تسخن


والعجينه قبل ما نبدا شغل نقلبها عشان الفقاقيع الكبيره دي تروح شويه وما يبقاش شكلها وحش وكمان ما تفرقعش فى وش حضرتك


وهانشكلها ازاي


معلش دي ما عرفتش اصورها عايزه فيدو وانا كنت لوحدي


بس هاوصفها( طبعا بنهدي النار بقى )




هانجيب معلقه صغيره وناخد بها عجينه ونبل صباعنا السبابه مايه وبعدين بطرف صباعه وبسرعه وخفه كده يا خفه وتنزل العجين مره واحده وفى مكان واحد فى الطاسه عشان يطلع مدور زي الى فى الصوره ده




ها اقريها تاني عشان تفهميها والى ما فهمهاش يقولي وانا ابقى اصورها فيديو المره الجايه ونستعين بصديق




وطبعا بسرعه نحاول نملا الطاسه عشان تاخد سوا واحد


وطبعا ممكن تطلع منك منبعه مش مدوره اوي مش مشكله كله هايتاكل ما تعذبيش نفسك


وهايكون شكلها كده يا حلوين




ونفضل نقلبها كل شويه عشان تاخد لون دهبي حلو كده







وبعدين نطلعها على كلينكس لما تحمر طبعا


ودقيقه واحده ونسقطها فى شربات (سيرب - قطر ) بارد طبعا ونقلبها ونسبها 3 دقايق لو بنحبها تشيل سكر شويه


ونطلها فى مصفاه


وبعد لما تبرد نقدر نضرب طبق زي الى فى الصوره فوق ده وبكده نكون قضينا على ام الدايت الى بنعمله


هههههههههههههههههههههههههههههههههه




فاتيما ما تعديش من جنب البوست ده خالص ماشي


ابقى تعالى فى ا لاوبن داي يا اختي




كالعاده يا قطاقيط الى يجرب يقوووووولي



ومن المره الجايه ان شاء الله نبدا مجموعة بوستات جديده تحت تبويب مطبخ المبتدئين



لان كتير طلبوها مني سواء بنات لسه هايتجوزوا او كمان ياعينى رجاله مغتربين ويقعدوا يقطعوا فى قلبي ويقلولي بتجوعينا وكده يعنى



المهم هايكون الكلام فيها على طبخات عاديه مش اصناف صعبه ولا جديده



وكمان هاعمل بوستات تانيه ازاي تبقى ست بيت شاطره مش عبيطه



ولا ايه رايكم يا قوم









هناك 29 تعليقًا:

نكهة مغربية يقول...

أنا أول وحدة أدخل
يعني الطبق كلو لية لوحدي صح؟؟؟؟؟؟؟؟؟؟؟

بحب أشوف لقمة القاضي بس للاسف عمري مجربتها انشاء الله أحاول و تكون ليك فية حسنة

شكرا يا قمر
و نهار سعيد

صبرني يارب يقول...

يا قمر المدونه نورت والله


مستنيه بجد تقوليلى عملتها ازاي


اديكى الطبق وصاحبته لو عايزه
هههههههههههههه

نورتي

نكهة مغربية يقول...

ربينا يخليك يا أختي و الله المصريين أصحاب واجب و كلهم أدب و ذوق

شكرااا

صبرني يارب يقول...

نكهه

تسلمى يا جميل

انتى بتتكلم مصري لبلب اهو

ممكن انااروش بقى

واقولك نورتي بارشا بارشا

خمسة فضفضة يقول...

السلام عليكم ورحمة الله وبركاته

ماشاء الله تسلم اديك يا صبصب

جريتي رقنا علي الضهر ههههههههههههه

انا بقليها في حله عشان تبقي غويطه ويبقي الزيت كتير ومغطي الوحدات كويس

قريت مره في منتدي عالم حواء انهم بيحطو عليها بطاطساية مسلوقه ومهروسه عشان تبقي مخروشه بس ماجربتهاش ولا مره لانها اصلا بتطلع مخروشه معايا


سلام يا قمر

مصري جدا يقول...

حلو ة أوي البطاطس اللي في الصورة دية
بس متهيألي أنها بقشرها
صح

صبرني يارب يقول...

فضفضه

ازيك يا جميل

ايوه ماما قالتلى على حكاية البطاطس دي بس ما جربتهاش الصراحه

وهى بتطلع مخروشه حلوه مخروشه دي لو بالدقيق بس بس بتطرى بعد شويه

النشا بتخليها بقى ناشفه من بره وكمان ما تتحروقش ويبقى لونها دهبي كده


وبالنسبه للزيت حسب حجم الكرات الى هاتعمليها
وكمان هى عمرها ما هاتتغطى بالزيت لانها بتعوم على وشه
يعنى احنا محتاجين كميه تغطي نص الكوره بعد ما تنفش

ونورتي يا جميل ولو جربتي البطاطس او النشا قوليلى عمل معاكي ايه

صبرني يارب يقول...

مصري جدا

بطاطس

ايوه ايوه

الله عليها بقى مع شوية كشري اصفر
وحتتين بتنجان
وطبق سلطه

ههههههههههههههههههههههه


بس دي مقشره يا باشا انا احب دايما كده احب اكلها مقشره دايما

مصري جدا يقول...

صاحبتك المغربية
حاطة عندها شوية أكل شكلة رهيييييييييييييييييب
حاولت اعلق عندها ما عرفتش حروف و حاجات من دي وأنا بزهق


بلغيها ان اكلها يجوع وشكلة طعم جدا يا ريتني كنت اتجوزت من المغرب(أو العشا)

مش بطاطس بقشرها زي ناس

صبرني يارب يقول...

مصري جدا

طيب ما تفضحناش وسط الاوساط المغربيه

البنيه كان اسمها امبارح بالفرنساوي روحت فتحت صفحة الترجمه عشان افهمه

وانت تقولها حروف وبتاع

وبعدين رسالتك اكيد وصلت هاتشوفها هى ما دام بتشرفنا

مالها البطاطس يا اخويا ربت رجاااااااااله اهو
هههههههههههههههههههههههه


ممكن تليفون المدام عشان اهدي النفوس ؟؟

صبرني يارب يقول...

بيبرس

ايه ده يا ولاد

بيبرس ماله منتشر فى البلوج كده

كل ده عشان فى رقابه على التلفزيون الايام دي ولا ايه
هههههههههههههههههههه

عنينا حاضر نبدأ شغل ان شاء الله قريب

نكهة مغربية يقول...

و الله ضحكت من قلبي لما قريت ردك على الاخ
مصري جداا ......
شكرا يا جميل على تشحيعك لية و الله المصريين ليهم في كل حاجة الطبيخ و الاناقة و الدم الخفيف و فن و كلوووووو.......
أما بالنسبة للهجة المصرية فدي من عمايل المسلمسلات المصرية فينا ههههههههه

أخي مصري جدااا رسالتك وصلت و أكديد ححاول أسهل عليك الامر لان تعليقك يهمني
شكراا جدا وأتنمى اني مكنش بتقل عليكم

صبرني يارب يقول...

نكهه مغربيه

اضحك الله سنك يا جميل

ايوه المصريين سبع صنايع والبخت ضايع زي ما انتى شايفه
هههههههههههههههههههه

وحياتك العرب كلهم كده

بختهم مايل


نورتي يا قمر تعالي كل يوم واحنا نضحكك

نكهة مغربية يقول...

ان مكتتيش تحلفي......هههههههههه

و الله مني مزعلاك و كل يوم حخش لغايت متزهقي مني ........

خليها على الله بكرة تتعدل .... ليه لاء؟

شكرا يا حبوبة

خمسة فضفضة يقول...

السلام عليكم ورحمة الله وبركاته

اقصد يا صبصب ان لما تيجي تحطي العجينه في الزيت الاول بتغطس ومافيش ثواني تلاقيها بقت مدوره وطلعت عامت علي الوش

اهو انا باعمل في حله عشان يبقي زيت غزير كده والكور تغطس فيه اول ما احطها وتاخد الشكل المدور الجميل وبعد كده تعوم علي الوش

لان في الطاسه مش مش دايما بتطلع مدوره كانت ساعات بتبقي مسطحه من ناحيه ومدوره من الناحيه تانيه لان الزيت مش غويط

لو عملتها بالبطاطس هابقي اقولك

بس اعتقد انهم بيستخدمواالبطاطس اصلا عشان النشا اللي بيبقي فيها يعني ممكن تدي نفس النتيجه بتاع النشا

وعموما يا ستو انا مش بتلحق تستني عشان تطري

اه نسيت اقولك ساعات لما ابقي مكسله اعمل شربات بارش عليها سكر بودره وكان الله بالسر عليم

ههههه

سلام يا قمر

reem يقول...

تسلم ايديكى يا صبرنى بجد

هاجربها النهارده ان شاء الله

وحلوة فكرة البوستات القادمة دى اوي

كتير في حاجة ماسه للتعلم

يا بنتى قلتلك كلك فوائد والله

أنـــا حـــــــــرة يقول...

أيوه انا مستنية الجديد انتى عارفة :)

صبرني يارب يقول...

نكهه مغربيه

يا حياتي تنوري على طول

صبرني يارب يقول...

فضفضه

ايوه تمام فاهمه وجهة نظرك ماهو فى طاسات غويطه يا جميل تنفع للموضوع ده

مش هانختلف يعنى هى هي
المهم ناكل فى الاخر

والسكر البودره ايوه ماما كانت بتعمل كده برضه

نورتي يا قمر

صبرني يارب يقول...

ريم

اووووك بس انتى ما تاكليش منها

صبرني يارب يقول...

أنا حره


ان شاء الله يا جميل

منوراااااااني

احساس طفلة محبة للرومانسية بس واقعية يقول...

اعاااااااااااااااااا
كدا برضو يا صبرنى ذنقتينى

ايوة ما المكونات كلها عند حضرتى
ومادام المكونات موجودة يبقى استغل دا بقى واعمل حاجة حلوة

لازما وحتما اجربها الصور تفتح النفس وانا مأكلتهاش من زماااااااان اوى

الراجل اللى حكيتى عنه دا صورة للناس زمان وخير مثال على اخلاقهم
انا برضو فى حد وعيت علية زى كدا بس بتاع ورد عارفة يا صبرنى لغاية من كام شهور فاتوا لما نزلتالاجازة جبت من عندة ورد والراجل كبر خلاص ربنا يديلة الصحة وبرضو بيشاغل بنشاط خيالى الشباب اللى عندهم 20 سنة ميستحملوش يعملوا اللى هو بيعملوا

ربنا يهدى ويصلح الحال

انا طبعا معاكى فى مطبخ الناشئين فوق ال 20 سنه هاهاهاهاهاهاها

تقبلى مرورى

صبرني يارب يقول...

احساس طفله

طيب يلا ورينا الهممممممممممه

عايزه اشوف انتاج عاااااااالي
ههههههههههه

نورتي يا قمر

Mom يقول...

حلوه كتير الوصفه بس تفتكري كوباية نشاء مش كتير؟؟ يعني ممكن ملعقتين كبار كفايه؟
ماتنسيش تشوفي فيديو لقمة القاضي بتاعي...انشاء الله يعجبك...
http://mimicooks.com/2008/09/awwameh-sweet-delight.html

صبرني يارب يقول...

سمر

يا حبيبتى زورتك فعلا بس ما لقيتش فيدو فى البوست بتاع لقمة القاضي والصور كمان ما كانتش متحمله

بس تسلم اديكى

وبالنسبه للنشا والله انا عملتها كده وطلعت تمام اوي معايا

وتقدري تقللي النشا انتى براحتك عادي

لكن اعتقد مافيش فرق

تحياتي ليكى ونورتي يا جميل

Mom يقول...

غريب انه الرابط اللي بعته ليكي بيشتغل عال العال من عندي...جربي تفتحيه ب explorer or google crome?
على كل حال, الرابط للفيديو على يوتوب هو:
http://www.youtube.com/watch?v=fXZEelttmY8&eurl=http%3A%2F%2Fmimicooks.com%2F2008%2F09%2Fawwameh-sweet-delight.html&feature=player_embedded

انشاء الله يتشغل من عندك :)
شكرا على تعليقك كمان و مدونتطك دمها خفيف و مسليه كمان كتييييير :)

صبرني يارب يقول...

سمر

ايوه يا حياتي طلع انا الى كان عندي مشكله
اصل مستبه وندوز جديد فلقيت كان فى برنامج فلاش ناقص ونزلته وشوفت الفيديو خلاص يا جميل

تسلم اديكى ومتشكره اوي لاهتمامك

sandy يقول...

ما شاء الله لا قوة إلابالله عليكي والله
وصفاتك تجنن ودمك خفيف ربنا يخليكي لعيلتك وميحرمهمش منك

غير معرف يقول...

The first is strategy is focusing on some highly target building links methods.
A desirable internet search engine ranking truly is surely an asset with an internet-based business.
**Robots and Spiders can't see links embedded in Java and a lot times Flash.

My website; http://proimblogger.com/seomoz-pro-review/